Latest Movie :

Only Yesterday (1991) မြန်မာစာတန်းထိုး


++++++++++++++++
ရုပ်ရှင် ဇာတ်ကားကောင်းလေးတွေကို အေးအေးဆေးဆေးခံစားလိုတဲ့ ပရိသတ်တွေအတွက် Studio Ghibli ရဲ့ ဇာတ်ကားကောင်းလေးတစ်ခုနဲ့
မိတ်ဆက် ပေးပါရစေ ..။
.
ဇာတ်ကားလေးက Only Yesterday တဲ့ ..
IMDb မှာ Rating 7.7 ရရှိထားတဲ့ အပြင် ၁၉၉၁ ခုနှစ်ရဲ့ ဂျပန်ပြည်မှာ ၀င်ငွေ အများဆုံးရနိုင်ခဲ့တဲ့ ဇာတ်ကားအဖြစ် ရပ်တည်နိုင်ခဲ့ပါတယ် ..။
.
ဇာတ်ကြောင်းကတော့ တော်တော်လေးရိုးစင်းပါတယ် ..။
အသက် ၂၇ နှစ်အရွယ် ရုံးဝန်ထမ်း ကောင်မလေး တစ်ယောက် အားလပ်ရပ်မှာ ကျေးလက်တောရွာလေးကို သွားလည်ရင်းနဲ့ကြုံတွေ့ရတာလေးတွေကို
သူငယ်ငယ်က အကြောင်းလေးတွေနဲ့ ပြန်ပြောင်းစဉ်းစားသုံးသပ်မိတဲ့ အကြောင်းလေးပဲ ဖြစ်ပါတယ် ..။
.
ဟင် .. အဲ့ဒါဆို ဇာတ်ကားကြီးက ပျင်းစရာကြီးပဲ လို့ ထင်ချင်ထင်မိနိုင်ပါတယ် ..။
.
ဒါပေမယ့် စကြည့်မိရင် ပြသချိန် ၂ နာရီနီးပါးကို ဘယ်လို ကုန်လို့ ကုန်သွားမှန်း မသိနိုင်လောက်တဲ့ အထိ ဇာတ်ကားရဲ့ ညှို့ဓာတ်က ပြင်းပါတယ် ..။
ဘာတွေ များ ထူးထူးခြားခြားတွေ ပါနေလို့ လဲ လို့ မေးရင် ဘာမှထူးထူးခြားခြားမပါပါဘူးပဲ ပြန်ဖြေရမယ် ..။
ဘာလို့လဲ ဆိုတော့ လောကကြီး နဲ့ သဘာဝတရားကြီးရဲ့ ရှင်းလင်းတိကျလွန်းလို့ လူတွေမသိလိုက် မသိဘာသာဖြစ်နေတဲ့ အစိတ်အပိုင်းလေးတွေကို
တစ်ခုချင်းစီ ဆွဲထုတ်ပြီး မီးမောင်းထိုးပြသွားတဲ့ ဇာတ်လမ်းမျိုး ဖြစ်နေလို့ပါပဲ ..။
.
ဇာတ်ကားအကြောင်း ပြန်ပြီး ခြုံငုံပြန်ပြောရရင်
မြို့ပေါ်မှာ ကြီးပြင်းလာရပေမယ့် ကျေးလက်တောရွာကို ချစ်ခင်တွယ်တာတတ်တဲ့ အမျိုးသမီးတစ်ယောက်အကြောင်း ..။
မြို့ပြရဲ့ မွန်းကျပ်မှုတွေကို ပိတ်ရက်ရှည်ရတိုင်း ကျေးလက်တောရွာလေးတွေကို သွားပြီး ဖြေဖျောက်တတ်တဲ့ အမျိုးသမီး ..။
အဲ့ဒါကြောင့်လည်း ကိုယ့်ကိုယ်ကို သဘာဝတရားကြီးကို ချစ်မြတ်နိုးတတ်တဲ့သူလို့ ယူဆနေမိတဲ့ သူပေါ့ ..။
ဒါပေမယ့် တစ်သက်လုံး သဘာဝတရားကြီးနဲ့ ထိတွေ့ကြီးပြင်းလာတဲ့ သူတွေနဲ့ ကြုံလာရတဲ့အခါ ကိုယ့်ကိုယ်ကို ဟုတ်လှပြီ ထင်နေသမျှ
ဘာမှ ပြောပလောက်စရာမရှိသေးပါလားလို့ သိသွားခဲ့ပြီး ဘ၀အတွက် အရေးပါတဲ့ ဆုံးဖြတ်ချက်ကို ချနိုင်သွားခဲ့နိုင်ပုံကို အနုပညာမြောက်စွာ တင်ဆက်ထားပါတယ် ..။
.
ရိုးရှင်းတဲ့ ဇာတ်ကြောင်းထဲမှာ ရိုက်ပြသွားတဲ့ အကြောင်းအရာတွေကတော့ ခပ်ပေါ့ပေါ့မဟုတ်ပါ ..။
- ဂျပန်ပြည်ရဲ့ ပညာရေးစနစ်ကြီးအကြောင်း ..
- ဂျပန်ကျောင်းတွေ ရဲ့ ပညာရေးလည်ပတ်ပုံ .. ကျောင်းသားရေးရာလည်ပတ်ပုံတွေ အကြောင်း ..
- ကျောင်းတွေမှာ စာသင်ကြားရေးသာမက ဘ၀အတွက် အရေးပါတာတွေကို ပြင်ဆင်ပေးခြင်းများအကြောင်း ..
- ဂျပန်ပြည်ရဲ့ မိသားစုနေထိုင်မှု ပုံစံများအကြောင်း ..
- မိဘ နဲ့ သားသမီးကြား ဆက်ဆံရေးများ အကြောင်း ..
နောက်ပြီး ...
- လူတွေက သဘာဝတရားကြီးပေါ် မှီခိုနေတာလား .. သဘာဝတရားကြီးက လူတွေပေါ် မှီခိုနေတာလား
- သဘာဝတရားကြီးကို ဘယ်လို ချစ်ရတာလဲ
- ဆုံးဖြတ်ချက်တစ်ခုအတွက် ဘယ်အရာက အရေးပါဆုံးလဲ ..
အစရှိတဲ့ မရေရာတဲ့ မေးခွန်းတွေရဲ့ အဖြေတွေကိုလည်း တစွန်းတစ အားဖြင့် စိတ်ထဲ အလင်းရစေပါတယ် ...
.
ဇာတ်လမ်းတစ်ခုလုံးမှာ အနုပညာမြောက်စွာ ဖန်တီးချယ်မှုန်းထားတဲ့ သရုပ်ဖော်မှု တွေကြောင့် Anime ရုပ်ရှင်ကို ကြည့်နေရတယ် ဆိုတဲ့ ခံစားချက်မျိုးထက်
သက်ဝင်လှုပ်ရှားနေတဲ့ ပန်းချီကားတွေကို ခံစားနေရသလို ရသမျိုး ပေးနိုင်ပါတယ် ..။
နောက်ပြီး ဇာတ်ကားတစ်ခုလုံးကို တမြေ့မြေ့ခေါ်ဆောင်သွားတဲ့ နောက်ခံတေးဂီတရဲ့ ပံ့ပိုးမှုကြောင့် ကိုယ့်ပတ်ပတ်လည်မှာကို
သဘာဝတရားကြီးရဲ့ ထိတွေ့ပွတ်သပ်မှုတွေ ၀န်းရံနေသလို ခံစားချက်မျိုးရနိုင်ပါတယ် ..။
အထူးသဖြင့် ညွှန်းလိုတာကတော့ အဆုံးသတ် Theme Song ဖြစ်တဲ့ Ai ha Hana ha Sono Tane ပါပဲ ..
Amanda McBroom ရေးသားပေးပြီး Bette Midler သီဆိုခဲ့တဲ့ The Rose သီချင်း ရဲ့  Japanese Version ပါ ..။
Westlife အပါအ၀င် တော်တော်များများ ပြန်ဆိုကြတာကို နားထောင်ဖူးပေမယ့် ဒီဇာတ်ကားထဲကလောက်
ရင်ထဲကို ဆွေးဆွေးမြေ့မြေ့ဖြစ်အောင် မခံစားခဲ့ရဖူးပါဘူး ..။
စာတန်းထိုးရင် ပြီးပြီဆိုပြီး ဇာတ်ကားကို ပိတ်မပစ်လိုက်ကြဘဲ ခံစားကြည့်ကြဖို့ တိုက်တွန်းလိုပါတယ် ..။
.
.
.
  မိတ်ဆွေတို့ ဟန်ဆောင်ဖူးပါသလား ..။
ဘယ်လောက် အတိုင်းအတာအထိ ဟန်ဆောင်ဖူးပါသလဲ ..။
ဟန်ဆောင်နေရင်းနဲ့ ကိုယ်ဟန်ဆောင်နေတဲ့ အပိုင်းကို ကိုယ့်ဘာသာကို အမှန်လို့ မြင်လာမိတဲ့အထိ ဖြစ်ခဲ့ဖူးလား ..။
.
ဒီ ဇာတ်ကားလေးက မိတ်ဆွေတို့ စိတ်ထဲက ကိုယ့်ဘာသာသတိမထားမိဘဲ အယောင်ဆောင်နေမိတာတွေကို
တစ်ခုချင်းစီ ပြန်မြင်ယောင်လာမိပါလိမ့်မယ် ..။
.
.
Credit To : www.goldchannelmovies.com
Review by: mG kAUNG
Translate by: Seint Seint Soe
Encode by: Waiyan Philip
Quality -720P Br-Rip
Size - 850MB


Share this article :

+ comments + 1 comments

9 January 2018 at 00:09

ဖုန်းနဲ့ ဒေါင်းလို့ အဆင်မပြေပါဘူးဗျို့

Post a Comment

Powered by Blogger.